Wanachopanga kufanya Bongo Movie Tanzania nzima

Wasanii wa Bongo Movie leo Jumatatu ya September 4 2017 wametangaza kuzindua mpango wao wa pamoja wa kuhamasisha watanzania wote kuwa wazalendo na kupenda vya kwao kwanza kabla ya kusifia na kupenda vya jirani.

Bongo Movie wakiongozwa na Steven Nyerere wameahidi kutembea nchi nzima kwa ajili ya kuhamasisha watanzania kuwa wazalendo na kuunga mkono jitihada mbalimbali za kimaendeleo zinazofanywa na serikali ya awamu ya tano chini ya uongozi wa Rais John Pombe Magufuli.

Kilichofanyika leo katika mkutano wa waigizaji wa Bongo Movie mbele ya waandishi wa habari ni kuzindua mpango wao wa uhamasishaji ambao wameuita “Uzalendo Kwanza” baada ya hapo watafanya pia tamasha la uzinduzi katika viwanja vya Leaders Club.

“Kila binadamu huwa anakosea wapi lakini moyoni mwake ndio anajua amekosea wapi samahani inakuja baada ya kujua umekosea wapi maana huwezi kuomba samahani kama hujui umekosea wapi, sisi tumejua tumekosea wapi sasa tumeomba samahani baada ya kujua tumekosea wapi”>>> Steven Nyerere