WANAWAKE 600 WAPATA MKOPO WA SHILINGI MILIONI 120 ARUSHA

Waziri  ofisi ya waziri mkuu, sera,Bunge kazi,ajira,vijana na walemavu Mh.Jenista Mhagama amewataka akina mama kutumia vyema fursa hasa ya mikopo wanayoipata toka kwa viongozi wa serikali

Ameyasema hayo  leo Machi 23,2018 katika ukumbi wa AICC Arusha wakati akifungua zoezi la utoaji mikopo kwa akina mama  600 na  kukabidhi mfano wa hundi ya shilingi milioni 120 kwa akina mama wajasiriamali wadogo wa jiji la Arusha pesa ambayo ilitokana na marejesho ya mikopo ya vijana wa bodaboda jiji la Arusha.

Amewataka akina mama kutumia vyema fedha za mikopo toka kwa viongozi serikali na wahisani wa maendeleo  ikiwa ni pamoja na matumizi sahihi ya fedha  hizo  wazipatazo kwa kuzielekeza sehemu iliyo sahihi na si vinginevyo.

Ameongeza kuwa kwa kuwa serikali ya awamu ya tano inakwenda pamoja na mabadiliko hivyo basi wanawake pia wanapaswa kwenda sambamba na mabadiliko hayo ya kiuchumi kwa kuhakikisha kwa wanajiongeza katika suala la kiuchumi kwa kujishughulisha na biashara ndogondogo zinazoweza kuwaingizia kipato kupitia mikopo inayotolewa na viongozi mbalimbali pamoja na wahisani.

Aidha amewataka akina mama kurejesha fedha za mokopo  kwa wakati ili kupata fursa nyingine za kimkopo na kuwajengea uaminifu kwa viongozi wa serikali wanaofanya jitihada za kumkomboa mwanamke kiuchumi.

Kwa upande wake Naibu waziri wa wa Ofisi ya waziri mkuu, sera,Bunge,,kazi,ajira,vijana na walemavu  Mh.Anthony Mavunde amewataka akina maam hao kuptia mpango huo wakabadilishe maisha yao.

“Nitafurahi kuwaona akina mama wa Arusha kupitia mpango huu wa leo maisha yenu yanabadilika, wanasema mwanadamu anaweza kuwa masikini muda mwingineni kujitakia, kama mwenyezi mungu amekujalia maarifa,kakujalia uwezo wa kufanya kazi ukapata  uwezesho kama huu naamini kabisa ni rahisi sana maisha yetu yanaenda kubadilika”.

Naye mkuu wa mkoa wa Arusha Bw.Mrisho Gambo amesema kuwa kabla ya kutoa mkopo huo walianza kwa kutoa mafunzo kwa akina mama kitarafa namna ya kutunza fedha na jinsi ya kufanya biashara zao na kuongeza kuwa fedha hizo hazitatolewa mkono bali watawekewa kupitia akaunti zao za kibenki ili kuwaongezea utamaduni na utaratibu  kutunza fedha zao kupitia benki.