MWAKYEMBE AWAONYA MAAFISA HABARI, ATAJA MIKOA NA HALMASHAURI ZINAZOFANYA VIBAYA.

Na  Paschal D.Lucas

paschad.lucas@gmail.com

Waziri wa Habari sanaa na michezo Mh.Harison Mwakyembe amewataka maafisa habari wa mikoa na wilaya nchini kuwajibika na kutogeukia kuwa nataaluma nyingine bali wawajibike katika kutekeleza majukumu yao ya kiuandishi wa habari na si vinginevyo.

Ametoa agizo hilo wakati akifungua kikao cha siku  tano cha chama cha maafisa mawasiliano serikalini(tagco) kinachojumlisha maafisa habari wa mkoa, wilaya, mashirika na makampuni nchini kilichofanyika katika ukumbi wa AICC mkoani Arusha.

Ametaja Mikoa inayofanya vizuri katika utoaji wa habari kuwa ni Mwanza, Mara, Kagera,Shinyanga,Tabora, Simiyu,Arusha,Tanga,Lindi, Mtwara,Ruvuma, Rukwa,Mbeya , Iringa,Morogoro,Geita,Katavi na Songwe.

Aidha amezitaja Halmashauri tisa nchini zinazofanya vizuri katika kutoa taarifa kwa umma kuwa ni pamoja na Kishapu,Mikindani,Mufindi, Mulele,Katavi,Kinondoni, Ilala,Ubungo na Kibaha.

Kwa upande wa wizara Mh.Mwakyembe amesema katika wizara zote nchini ni wizara  tatu tu ambazo hazina wala hazitoi taarifa zake kabisa katika maendeleo kwa wananchi  na kusema hatazitaja  bali atapeleka majina yake kwa waziri mkuu.

Naye  Paschal Shelutete  ambaye ni mwenyekiti wa TALGCO  akitoa kwa ufupi maelezo kuhusu madhumuni ya TALCO kuwa ni kuwaunganisha maafisa habari nchini, kulinda na kukuza maadili kwa maafisa habari nchini kwa kufuata uandilifu katika utekelezaji wa majukumu yao katika utoaji wa habari na taarifa kwa uuma.

Kwa upande wake Alvaro Rodriguez ambaye ni mwakilishi Mkazi wa Umoja wa mataifa nchini amesema kuwa kama umoja wa mataifa maafikiano  yatayofanyika kwenye kikao hicho yataleta tija mabadiliko makubwa kwa Tanzania.

Akitoa neon la shukrani Mkurugenzi Mtendaji wa Habari maelezo Dr.Hassan Abbasi amewataka wanahabari kuwa na juhudi katika utoaji wa habari na kuenenda kimkakati,kwa kutoa taarifa fupi zenye maana, kujituma,kujiongeza na kuwa naubunifu.

Kikao hicho cha TAGBO kitadumu kwa muda wa siku tano mkoani Arusha ambacho kitajadili masuala ya habari nchini huku kikijivunia kwa kuzindua tovuti yake ya chama iliyozinduliwa na waziri wa habari Dr.Harrison Mwakyembe wakati akifungua kikao hicho..